FITADIAVANA NY VERY
Hitako ihany, efa ela aho no nitady ity tononkalo ity, izy ity mantsy no mba hany sombiny nosoratako tamin'izaho vao nianatra nanoratra tononkalo voalohany tsy haiko mety tany amin'ny kilasy fahasivy tany ho any, efa ela no nikarohako azy ireto ka hitako ihany.
TETO
Teto, tanana roa nifamatotra
Teto, olona roa samy matotra
Mbola teto, fo roa nifampizara
Teto, samy niaiky fa anjara
Saingy teto no nifarana
Na dia teto aza no nisantarana
Mba niriana ho mandra-maty
Saingy tsy mba namoa teto ireo nafafy.
Eny fa eto no hany sisa fahatsiarovana
Tsy azo ialana, fa lalana lalovana
Miezaka mahatsiaro ireo hany mba kely tsara
Tsaroana foana ireny na tsy anjara.
FANHAIKY
Am-pitiavana be foana
(5) Hametraka hevitra (0) Verindrohy (trackback) Rohy maharitra
